Undanþágur

Bannlisti Alþjóðalyfjaeftirlitsstofnunarinnar um bönnuð efni og aðferðir gildir innan ÍSÍ. Listinn er uppfærður 1. janúar ár hvert og er að finna á vef lyfjaeftirlitsins, sjá hér.

​

Með nýjum Alþjóðalyfjareglum breyttust reglur um undanþágur í lækningaskyni, þann 1. janúar 2021. Í dag fer það eftir afreksstigi hvort skila þarf inn undanþáguumsókn fyrirfram eða afturvirkt*. Ef íþróttamaður á landsstigi þarf, samkvæmt læknisráði að taka inn efni sem eru á bannlista Alþjóðalyfjaeftirlitsstofnunarinnar, verður hann að sækja um undanþágu. Á landsstigi teljast allir sem keppa í efstu deild eða til Íslandsmeistaratitils í fullorðinsflokki í sinni íþrótt. Einnig eru allir í landsliðum sinna íþrótta á landsstigi, óháð aldursflokki landsliðs.

Undanþágueyðublöðin, sem meðhöndlandi læknir fyllir út, er að finna á vef lyfjaeftirlitsins. Rétt útfyllta umsókn skal svo senda til undanþágunefndar Lyfjaeftirlits Íslands sem tekur hana til umfjöllunar og afgreiðir. Umsóknina ber að fylla út á ensku og mikilvægt er að skila inn öllum umbeðnum gögnum. Umsóknareyðublaðið eitt og sér dugir ekki heldur verða viðeigandi læknisfræðileg gögn að fylgja.

*Almennt skal allt íþróttafólk á svokölluðu landsstigi skila inn undanþágumsókn fyrirfram en einnig þurfa allir þeir sem keppa fyrir hönd Íslands eða eru í skráðum lyfjaprófunarhóp LÍ að sækja um fyrirfram.  Allir aðrir eiga þess kost á að sækja um undanþágu "eftir á", þ.e. eftir að viðkomandi undirgengst lyfjaeftirlit.

​

Athugið að afgreiðsla undanþága getur tekið allt að 20 daga.

Leiðbeiningar fyrir umsóknir vegna ADHD má finna með því að smella hér

​

Ítarlegri leiðbeiningar frá WADA fyrir umsóknir vegna ADHD má finna með því að smella hér