Hjólreiðamaður í bráðabirgðabann

Þorsteinn Bárðarson, hjólreiðamaður úr hjólreiðafélaginu Tindi, hefur verið úrskurðaður í bráðabirgðabann skv. lyfjareglum Lyfjaeftirlits Íslands, eftir að lyfjapróf sem hann undirgekkst í keppni þann 21. ágúst sl., skilaði afbrigðilegri niðurstöðu (e. Adverse Analytical Finding) vegna tilvistar eftirfarandi efna í sýninu, og eru á bannlista WADA 2025:

Í flokki S1.2 - önnur anabólísk efni:

• Ligandrol

• Ostarine

• RAD140

Í flokki 4 - hormóna- og efnaskiptamiðlarar:

• Arimistane

Íþróttamanninum var tilkynnt um niðurstöðurnar og bráðabirgðabannið þann 22. september síðastliðinn.

Lyfjaeftirlitið mun ekki tjá sig frekar um málið fyrr en endanleg niðurstaða liggur fyrir.

Lyfjaeftirlit Íslands ber ábyrgð á að innleiða og framfylgja lyfjareglunum á Íslandi í samræmi við Alþjóðalyfjareglurnar. Það vinnur að því að vernda heilindi í íþróttum og réttindi hreins íþróttafólks.