Crate of Fresh Fruit

Fæðubótarefni

Vertu upplýst/ur um hætturnar

Ólíkt lyfjum, þá sæta fæðubótarefni ekki sérstöku eftirliti lyfja- eða matvæla- eða annarra eftirlitsstofnanna. Það er því líklega engin trygging fyrir því að fæðubótarvaran sem þú neytir sé það sem þú heldur að hún sé.

Því miður er ekki óalgengt að fæðubótarvörur séu illa merktar eða hafi villandi innihaldslýsingar. Það getur annars vegar lýst sér í því að efni í fæðubótarvörunni (og í innihaldslýsingu) séu á bannlista, og hins vegar geta efni leynst í vörunni án þess að það komi fram í innihaldsslýsingu. Þá er talað um mengaða vöru. Slíkt er gert í þeim tilgangi að selja meira af vörunni vegna árángursbætandi áhrifa hennar. Þetta á við um fæðubótarvörur á heimsvísu.

Framleiðendur og dreifingaraðilar fæðubótarvara eru oft stóryrtir um gagnsemi varanna og nota markaðsaðferðir og auglýsingar sem engar vísindalegar sannanir liggja á bakvið.

Lyfjaeftirlit Íslands og önnur lyfjaeftirlit í íþróttum votta ekki sérstaklega fæðubótarefni né aðrar vörur og það er því á ábyrgð neytandans að neyta ekki vara sem innihalda efni á bannlista WADA.

Ef frekari upplýsinga er óskað er hægt að hafa samband á lyfjaeftirlit@lyfjaeftirlit.is.

©2018 by Lyfjaeftirlit Íslands. Proudly created with Wix.com